Ախալքալակում պահանջում են հայերենին տալ տարածաշրջանային լեզվի կարգավիճակ

Ախալքալակի շրջանային ժողովի պատգամավորները միաձայն որոշում են ընդունել’ պաշտոնապես դիմել երկրի խորհրդարան՝ Եվրոպական խարտիան վավերացնելու եւ հայոց լեզվին տարածաշրջանային կարգավիճակ տալու համար:

Այս որոշումն անմիջապես հետևեց երկրի վարչապետ Իվանաշվիլու երեկվա հայտարարությանը, ըստ, որի տարածաշրջանները (վրացական մարզեր) կստանան այնքան ինքնավարություն, որքան կկարողանան վերցնել: Սա լավ հնարավորություն է նաև Վրաստանի հայկական տարածքների համար՝ ընդլայնելու իրենց ինքնավարությունը, որը Սաակաշվիլու կառավարման տարիներին բավականին նվազել էր: Շուրջ 2 ժամ տեւած նիստը պատգամավորներն արդեն անվանել են «պատմական»: Ժողովի նախագահ Համլետ Մովսիսյանն իր հերթին հայտարարել է, որ մարտի 14-ը Ջավախքի պատմության տարեգրության մեջ կգրվի ոսկե տառերով:

Հայոց լեզվին տարածաշրջանային կարգավիճակ տալու նախաձեռնությամբ հանդես է եկել «Վրացական երազանք-Հանրապետականներ» խմբակցությունը: Հանրապետականների կազմած դիմումում, մասնավորապես, նշվում է, որ 1999-ին Եվրոխորհդին ինտեգրվելու ճանապարհին Վրաստանը պարտավորվել է ստորագրել եւ վավերացնել Եվրոպական խարտիան, սակայն բավարարվել է միայն ստորագրմամբ: Համաձայն Եվրոպական խարտիայի որևէ երկրի տարածքում ապրող ազգային փոքրամասնություններն ունեն իրենց մայրենի լեզվով կրթությունստանալու իրավունք:

Վրաստանը չի վավերացրել խարտիան՝ զգուշանալով խթանել երկրում ապրող բազմաթիվ ազգային փոքրմասնությունների գիտակցությունը և այդպիսով նպաստել անջատողական շարժմանը: