AM | RU
USD
EUR
RUB

Մարդիկ են հարկավոր, որոնց ժողովուրդը կհավատա. Գևորգ Գևորգյան

 

Հարցազրույց ազատամարտիկ, «Գևորգյան մարտարվեստի դպրոց» հայրենասիրական-երիտասարդական կենտրոնի հիմնադիր Գևորգ Գևորգյանի հետ.

-Պարոն Գևորգյան, բազմիցս արտահայտել եք Ձեր դիրքորոշումները ներքաղաքական գործընթացների շուրջ, այսօր մենք նախընտրական շրջան ենք թևակոխում, Ձեր դիտարկմամբ ի՞նչ հնարավոր զարգացումներ կարող են լինել:

-Ես իմ դիրքորոշումները արտահայտել եմ, որպես ՀՀ քաղաքացի, հասարակության անդամ, քաղաքագիտական տեսանկյունից չեմ կարող դիտարկումներ, առավելևս կանխորոշումներ անել, դարձյալ որպես այս երկրի քաղաքացի պետք է կարծիքս հայտնեմ: Իմ համոզմամբ այս ընտրությունները էապես տարբերվելու են նախորդներից առաջին հերթին նրանով, որ այլևս քաղաքական ուժերն են գնահատվելու ընտրողի կողմից, իրենց տարիների գործունեության վարկանիշով. Իսկ վարկանիշ որպես այդպիսին ձեռք է բերվում ոչ միայն առաջարկած ծրագրերով և գաղափարական հենքով, այլև անձերով; Ցավոք սրտի հասրակությունը՝ ժողովուրդը այլևս չի հավատում ոչ մի ծրագրի և խոստման, հետևապես ասպարեզ պետք է գան անձեր, անհատներ, որոնց կհավատան, մարդիկ ովքեր իրենց անցյալով և ներկայով վարկաբեկված չեն, քաղաքական հասունություն ունեն, գաղափարակիրներ են: Մեր ժողովուրդի մենթալիտետն այնպիսին է, որ մենք ամեն ինչ ենք անձնավորում, մարդկանց մասին կարծիքով ենք առաջնորդվում: Ցանկացած գործի, նույնիսկ այս կամ այն քաղաքական ուժի կուրսին վստահում ենք կամ ոչ, առաջնորդվելով առաջնորդների մասին ունեցած կարծիքով;

-Ձեր հիմնադրած կենտրոնում գործում է նաև «Ազատամարտի մասնակիցների միավորումը», ազատամարտիկները իրենց վերաբերող հարցերն ու խնդիրները ու՞մ են վստահելու առաջիկա ընտրություններին:

-«Ազատամարտի մասնակիցների միավորումը» կրթական կառույց է, քաղաքական գործընթացներին անմասն է, բայց անշուշտ բոլորն էլ ունեն իրենց տեսլականները՝ ազատ իրենց ընտրության և կարծիքի մեջ. Ես անձամբ առաջիկա խորհրդարանում տեսնում եմ այն մարդկանց, որոնք ոչ միայն ցանկություն այլև քաղաքական կամք և համարձակություն կունենան հետևողականորեն կյանքի կոչելու բոլոր այն ծրագրերը, որոնք որպես նախընտրական ծրագիր, իսկ ժողովրդի լեզվով ասած խոստում, ներկայացնելու են հանրությանը; Այսօր եկել է անցյալի բացթողումներն ու սխալները սրբագրելու ժամանկը, խելամիտ կլինեն, եթե այդ հնարավորությունը խելամտորեն, քաղաքական ճկունությամբ և իմաստությամբ օգտագործեն, վերականգնեն հասարակության վստահությունը, սա է մեր երկրի զարգացման գլխավոր բանալին. Իսկ ժողովրդի հավատն ու վստահությունը ուժ է, միասնականություն է, երկրի առաջ ծառացած խնդիրների լուծման համար պարարտ հող է:

-Բայց ժողովրդի մեջ էլ կան մարդիկ, ովքեր ընտրակաշառք են վերցնում, բազմիցս խոսվել է այն մասին, որ ձայներն են վաճառում, ամենևին էլ չեն առաջնորդվում առաջարկված այս կամ այն ծրագրով:

-Ձայներ վաճառել կամ ընտրակաշառք միշտ էլ եղել են ու կլինեն, և դա միայն մեր ընտրական համակարգին չէ հատուկ, հարցն այն է, որ քաղաքական դաշտը պետք է առողջ լինի, այսպես ասած գաղափարակիրներ լինեն, կամքով և համարձակությամբ. Հավատ, հավատն է պետք վերականգնել մարդկանց, որ ժողովուրդը ռեալ՝ առանց պոպուլիզմի, պարզապես տեսնի, որ պատգամավորի, պաշտոնյաի, պետական ծառայողի համար առաջնային է պետությունը, որպես ինստիտուտ, այդ պետության շահը, ոչ թե իր անձնական շահն ու հարցերը; Ժողովուրդը պետք է տեսնի , որ իր թիկունքին ամուր պետական համակարգ ունի, օրենքներն են գերակա, պաշտոնյան ծառայում է պետությանը, հետևապես ժողովրդին, ոչ թե հակառակը:

Այսօր այդ վստահությունը չկա, խնդիրներից ամենամեծագույնը դա է այսօր: Եկեք պարզ հաշվարկ կատարենք. օրինակ այսօր մարդկանց սոցիալական խնդիրները այնքան շատ չեն, որքան 10 տարի առաջ, բայց այսօր մարդիկ ավելի դժգոհ են, դժգոհ են որովհետև արդարության պակաս կա, դժգոհ են որովհետև մարդիկ հոգնել են հուսադրվելուց և հուսախաբվելուց; Եվ հենց դա է պատճառը, որ ցանկացած նորելուկ կարողանում է մարդկանց փողոց հանել,մարդիկ շատ հաճախ առանց ճանաչելու, առանց իմանալու, ով ինչի համար է հանրահավաք կամ բողոքի ակցիա կազմակերպում, դուրս են գալիս իրենց ցասումն արտահայտելու. Ինձ համար ամենացավալին այն է, որ այդ ամենն էլ որոշ ուժեր օգտագործում են , որպես ակտիվ քաղաքականություն մտնելու տրամպլին, իսկ իրականում, մեղմ ասած՝ ոչ մեկին չի հուզում ժողովրդի ձայնը: Ին՞չ է ստացվում. արդյունքում մարդիկ դարձյալ մնում են մեն մենակ իրենց բողոքի հետ:Եկեք հենց սրա մասին մտածենք:

-Սա կո՞չ է ուղղված ընդդիմությանը:

-Ինչու միայն ընդդիմությանը , բոլորին, բոլոր քաղաքական ուժերին: Մեր հարստությունը մեր ժողովուրդն է, մեր միասնականությունը մեր ուժն է:

-Ո՞րն է իրավիճակից ելքի Ձեր տեսլականը:

-Իրատեսական ծրագրեր, դրանք կյանքի կոչելու կամք, համարձակություն ունեցող մարդիկ, մաքուր կենսագրություն ունեցող անհատներ, գաղափարակիրներ, որնց համար երկիրն ու պետականությունը միայն հայրենասիրական սրտաճմլիկ ելույթներ չեն, այլ իրական ուղի, քայլեր: Իհարկե իրատեսական էլ չէ, որ կարծենք, թե այս ամենը հնարավոր է ամբողջովին իրագործել, պատճառները և օբյեկտիվ են և սուբյեկտիվ, դա այլ մի զրույցի թեմա է, բայց գոնե այսպիսի մարդկանց առաջիկայում խորհրդարանում և գործադիրում տեսնելը, իմ կարծիքով առաջընթաց կլինի, իսկ որքան շատ լինեն այդպիսինները՝ այնքան իրատեսական և իրագործելի կլինեն երկրի զարգացման մեր տեսլականները: Իսկ ավելի համառոտ՝ մարդիկ են հարկավոր, որոնց ժողովուրդը կհավատա, մարդիկ ովքեր չեն կղզիացել հասարակությունից ու պատսպարվել իրենց դղյակներում, մարդիկ ովքեր գալու են ժողովրդին ծառայելու ոչ թե ծառայեցնելու...

Հարցազրույցը վարեց Արման ԳՐԻԳՈՐՅԱՆԸ

Լրահոս
ԱԺ-ն նիստ է գումարել. ՈՒՂԻՂ Արմեն Սարգսյանի հրամանագրերով երեք զինծառայողի գեներալ-մայորի զինվորական կոչում է շնորհվել Հակառակորդի կողմից Չինարի բնակավայրի վրա արձակած կրակոցների դեպքի առթիվ հարուցվել է քրեական գործ Ցեղասպանության կուլմինացիա. Սուրբ Սոֆիայի տաճարի վերափոխումն աշխարհիկ Թուրքիայի ավարտն է. Washington Examiner Արցախում կորոնավիրուսի նոր դեպք չի գրանցվել Տարբեր աստիճանի վիրավորումներ ստացած տասը զինծառայող այժմ բուժում է ստանում. ՊՆ «Elbit Hermes 900» թանկարժեք ԱԹՍ-ն խոցվել է Հայաստանում արդիականացված «Оса» համակարգով. Արծրուն Հովհաննիսյան ԵԱՀԿ-ն մտահոգություն է հայտնել հայ-ադրբեջանական սահմանին տեղի ունեցող իրադարձությունների կապակցությամբ Երևանի Կապույտ մզկիթում պայթուցիկ սարքի ահազանգ է ստացվել. ՈՒՂԻՂ Արծրուն Հովհաննիսյանի ճեպազրույցը՝ հայ-ադրբեջանական սահմանում տիրող իրավիճակի մասին. ՈՒՂԻՂ Հայաստանում հաստատվել է կորոնավիրուսով վարակվելու 515 դեպք. մանրամասներ Գիշերը Բաքվում շատ թեժ է եղել. ամբոխը ոստիկանական ավտոմեքենա է շրջել և մտել Միլլի Մեջլիսի շենք (Տեսանյութ) Ռուսաստանում ցանկանում են օրենքով արգելել նույնասեռականների միջև ամուսնությունն ու նրանց կողմից երեխա որդեգրելը Հայ-ադրբեջանական սահմանին ժամը 23:15-ից մինչ այս պահը հարաբերական անդորր է. ՊՆ մամուլի խոսնակ «Հրապարակ». Իշխանական վրեժխնդրություն «Ժողովուրդ»․ Երբ և ինչ պատճառով կարող են քաղաքացուն անձնագիր չտալ. նոր փոփոխություններ «Փաստ». Զբոսաշրջության, զվարճությունների ու հանրային սննդի ոլորտները շարունակելու են վնասներ կրել «Հրապարակ». «Իմ քայլում» ուրբաթ օրը վեճ է ծագել. Սուրեն Պապիկյանը «դաստիարակչական» աշխատանքներ է տարել «Ժողովուրդ»․ Սահմանադրության փոփոխությունների նախագիծը կքննարկեն փուլ առ փուլ «Իրավունք». Դպրոցները կբացվեն սեպտեմբերից, բուհերը` փետրվարից «Հրապարակ». Երբ կհաղթահարենք կորոնավիրուսի պիկը «Փաստ». Թուրքիան հերթական լարվածությունն է հրահրում տարածաշրջանում «Փաստ». Առաջիկայում հարկային ու մաքսային բլոկներում կադրերի մասսայական թարմացում է սպասվում «Հրապարակ». ՍԴ-ում իրական ճգնաժամը հիմա է սկսվել, ոչ թե ամիսներ առաջ ՕՐՎԱ ԽՈՐՀՈՒՐԴԸ: Հուլիսի 15 Հայոց հաղթական բանակի շուրջ համախմբումը բոլորիս պարտքն է․ Արթուր Վանեցյան Արդբեջանական խոցված անօդաչու թռչող սարքն արժե մոտ 30 մլն ԱՄՆ դոլար Արծրուն Հովհաննիսյանի ճեպազրույցը՝ Իջևանում. ՈՒՂԻՂ Վարչապետ Փաշինյանը հանդիպել է ՊՆ և ԶՈՒ ղեկավար կազմին (տեսանյութ) Ալիևը վախենում է, որ Հայաստանում իշխանափոխության վտանգն իրատեսական է. Աղասի Ենոքյան Բելառուսի ԱԳՆ-ն Ադրբեջանին և Հայաստանին կոչ է արել խուսափել իրավիճակի սրումից ՀԱՊԿ-ը հաշվի է առել հայ-ադրբեջանական սահմանին տիրող իրավիճակի մասին Հայաստանի զեկույցը Հայկական հաքերային թիմը կոտրել է Ադրբեջանի մոտ երկու հազար տնային տնտեսությունների և օֆիսների WiFi սարքերը Անթալիայում 4 մագնիտուդ ուժգնությամբ երկրաշարժ է եղել Թող օգնության հասնող Աստվածամայրը մայրաբար պաշտպանի սահմանին կանգնած մեր սպային ու զինվորին. Միքայել Մինասյան Ինչպես են հայ զինվորականները խոցում ադրբեջանական «Elbit Hermes 900» անօդաչու թռչող սարքը (տեսանյութ) Արցախա-ադրբեջանական հակամարտ զորքերի առաջնագծում վերջին երկու օրերին հարաբերական կայուն իրադրություն է ՊՆ-ն հայտնում է երկու զոհի մասին Ռոբերտ Քոչարյանի պաշտպանները միջնորդեցին գնահատել Քր․ Օր․-ի 300 հոդվածի սահմանադրականության հարցը Վաղը Սևանի մի քանի հասցեներում ջուր չի լինի
Խմբագրի ընտրություն
website by Sargssyan