AM | RU
USD
EUR
RUB

Նոր Գետաշեն համայնքի ղեկավար. մի օր գետաշենցիներով հասկացանք, որ կարելի է նոր Գետաշեն հիմնել

 

Նոր Գետաշեն համայնքի գյուղապետ Ալեքս Նազարյանին հանդիպեցինք իր տանը: Աշխույժ ու հյուրընկալ համայնքապետը, պատասխանելով հարցերին, սկսեց հիշել գյուղի ձեւավորման պատմությունը:

«Նոր Գետաշեն համայնքը ձեւավորվել է գետաշենցիների, շահումյանցիների կողմից 2000 թվականից: Հյուսիսային Արցախից, այսինքն իմ բնակավայրից բռնագաղթվելուց հետո ապրել եմ տարբեր տեղերում, բայց ամեն տեղ էլ ինձ օտար էի զգում, չէի հարմարվում: Մի օր մի քանի գետաշենցիներով հավաքվեցինք, եկանք էստեղ: Երբ տարածքը տեսանք, հասկացանք, որ կարելի է նոր Գետաշեն կառուցել», պատմում է գյուղապետը' հայրենիքի կարոտն աչքերում պահած:

Համայնքը հիմնելուց հետո գետաշենցիներն անվանել են այն իրենց ծննդավայրի անունով' Նոր Գետաշեն:

Այժմ համայնքում հաշվառված են 241 բնակիչ, բայց ինչպես նշեց համայնքի ղեկավարը, երեք ընտանիք բացակայում են, ու գյուղից գնացել են թերեւս վերջնական: Այժմ գյուղում կա 223 փաստացի բնակիչ:
«Մարդիկ հիմնականում զբաղվում են անասնապահությամբ, հողագործությամբ: Այժմ 25 հոգի աշխատում է դպրոցում: Սա նշանակում է, որ համայնքի գրեթե բոլոր ընտանիքներից դպրոցում մարդ է աշխատում: Համայնքապետարանում աշխատում է 7 հոգի: Շրջանի համայնքներից մոտ 10-15 հոգի պայմանագրային զինծառայողներ կան: Սա փրկություն է մեր համայնքի համար: Տղամարդը հա´մ իր սահմաններն է պահում, հա´մ իր ընտանիքն է պահում: Ցավոք ունենք նաեւ երեք արտագնա աշխատողներ», գյուղի մասին, ինչպես իր ընտանիքի մասին պատմում է գյուղապետը. հատ-հատ գիտի, թե ով որտեղ է աշխատում, ով ինչ խնդիր ունի:

Գյուղում հրատապ է նոր բնակարանների հարցը: Քանի որ գյուղում նոր բնականաններ չկան, նոր ընտանիքներ չեն տեղափոխվում, եւ դեռ ավելին' հենց գյուղում երիտասարդ ընտանիքներ կան, ովքեր բնակարանի կարիք ունեն:

«Սա ամբողջ շրջանի ու առհասարակ' ամբողջ Արցախի խնդիրն է: Որպես համայքնի ղեկավար' շատ կուզեի նորապսակների համար բնակարաններ կառուցվեին, որպեսզի մեր երիտասարդ զույգերը մնային այստեղ: Շատ վատ է, եթե մեր երիտասարդները թողնեն այս տարածքը: Սակայն շատերն արդեն պետք է ամուսնանան, բայց տներ չկան, որպեսզի նոր ընտանիքն ապրի: Հենց հիմա մի երիտասարդ ընտանիք կա, նրանց տվել ենք մի ընտանիքի բնակարան, ովքեր այժմ գյուղից տեղափոխվել են:

Կառավարությունն ասում է, որ այժմ չի կարող նոր տներ կառուցել, մենք էլ հասկանում ենք: Ես միշտ էլ պահանջում եմ բնակարան, բայց միշտ իրենց դրության մեջ էլ եմ մտնում», պատմում է Ա. Նազարյանը:
2000 թվականի հետ համեմատած' գյուղում կենսապայմանները շատ են փոխվել:

«2000 թվ.-ին երբ եկանք, առաջին երեք տարին հոսանք չունեինք, շատ էինք դժվարանում: Հիմա ինտերնետ չունենք, կարիքը շատ ենք զգում, բայց մենք առանց հոսանքի էլ ենք ապրել տարիներով: Մի քանի տարի մեր համայնքների վիճակը շատ վատ էր, հույսով ապրում էինք: Մեր գյուղում 20-25 ընտանիք էր ապրում, բայց մի ընտանիքի նման էինք, երեկոները հավաքվում էինք, տարբեր խաղեր էինք խաղում, այդպես կրճատում էինք մութ ու ցուրտ գիշերները: Բայց ասեմ նաեւ, որ չնայած դժվարություններին' էն ժամանակ կյանքն ավելի հետաքրքիր էր, մարդիկ ավելի կապված էին իրար հետ: Հետո հոսանքը տվեցին, հեռուստատեսություն ունեցանք: 10-12 տարվա ընթացքում մեր առաջընթացն ակնհայտ է: Իհարկե, հիմա էլ կան դժգոհող մարդիկ, բայց առաջընթացն ակնհայտ է», անցած դժվար տարիներն է հիշում գյուղապետը:

Նոր Գետաշեն գյուղում 2001 թ.-ից բուժկետ կա, մասնագետ է աշխատում:

Ճանապարհներն արդեն լավ են, ու գյուղապետի կարծիքով' դրա շնորհիվ հարազատներից հեռավորությունն էլ է հաղթահարվում:

Գյուղն ունի մշակույթի ակումբ, միջոցառումներ են կազմակերպում: Խմբակներ չեն գործում, քանի որ մասնագետներ չկան: «Եթե լինի, ես էլ կհետեւեմ, կպահանջեմ, որ մասնագետների համար հաստիք տան: Խմբակներ բացելու համար նաեւ երեխաների որոշակի թիվ է պետք, որ գյուղում չկա», ամփոփեց գյուղապետը:

Նոր Գետաշենին հրաժեշտ տվեցի մի խորունկ ցանկությամբ' որ մի օր էլ այցելեմ Գետաշեն ու նյութեր պատրաստեմ հայոց ազատագրված Գետաշենի մասին…

Թամարա Գրիգորյան

Լրահոս
Միհրան Հակոբյան. Շնորհակալություն հայտնելու փոխարեն էժան մանիպուլյացիաներ են արվում Փաշինյանն Էրդողանի ելույթը ծայրահեղ ատելության խոսք է անվանել և կոչ է արել միջազգային հանրությանը չլռել Սենատի կողմից Արցախի անկախության ճանաչումը Հայաստան-Արցախ-Սփյուռք եռամիասնության հաղթանակն է. Դավիթ Բաբայան Հրաժարական է ներկայացրել «Արմավիր» ՔԿՀ պետը Հայկ Մալխասյանն ազատվել է վարչապետի աշխատակազմի իրավաբանական վարչության պետի պաշտոնից Բակո Սահակյանն Ասկերան քաղաքում անցկացրել է աշխատանքային խորհրդակցություն Հրապարակվել է Լևոն Տեր-Պետրոսյանն ընդդեմ Հայաստանի գործով ՄԻԵԴ վճիռը Թուրքիայի ԱԳՆ. ԱՄՆ-ի նախագահի ապրիլքսանչորսյան ուղերձը որևէ արժեք չունի Ֆրանսիան մտադիր է իր ներդրումն ունենալ Հայոց ցեղասպանության՝ որպես մարդկության դեմ հանցագործության ճանաչման գործում. Էդուար Ֆիլիպ Գարո Փայլանը Թուրքիայի խորհրդարանին կոչ է արել Հայոց ցեղասպանության վերաբերյալ խորհրդարանական քննություն անցկացնել Կառավարությունը Սերժ Սարգսյանի ղեկավարած կառույցին 133 հազար դոլար հատկացրեց ԲՀԿ-ն առաջարկել է ներկրվող կլինկերի համար ևս սահմանել պետտուրք Գեղարքունիքում առատ ձյուն է տեղացել Գործադիրը հաստատեց բակալավրի, մագիստրատուրայի և ասպիրանտուրայի համար նախատեսված անվճար տեղերի թիվը ԱՄՆ Կոլորադո նահանգը ճանաչել է Արցախի անկախությունն ու Ցեղասպանության հիշատակման օր ընդունել Արցախի արտաքին գործերի նախարաը հանդիպել է Ուրուգվայի փոխնախագահ Լուսիա Տոպոլանսկիի հետ Շարմազանովը՝ Փաշինյանին. Քննադատող էիր, Բոլթոնին քննադատեիր, այլ ոչ թե բերանդ ջուր առած լռեիր Մակրոնը՝ Ցեղասպանության հիշատակման մասին «Ժամանակ». Արմավիր ՔԿՀ պետին առաջարկվել է աշխատանքից ազատվելու դիմում ներկայացնել «Հրապարակ». Նախարարի հովանավորյալը չունի տնօրենի հավաստագիր և, հետևաբար՝ տնօրեն դառնալու իրավունք «Ժամանակ». Արմավիրի մարզպետի և քաղաքապետի հարաբերությունները շարունակում են լարված մնալ «Ժամանակ». Սամվել Ալեքսանյանի եղբոր որդիները մեծարանքի երեկո են կազմակերպել Փաշինյանի մանկության ընկերոջ համար «Հրապարակ». Անտուն ու անփող պատգամավորներ «Հրապարակ». Իշխանության թիրախում կրկին նախկին վարչապետ Հովիկ Աբրահամյանն է ՕՐՎԱ ԽՈՐՀՈՒՐԴԸ: Ապրիլի 25 Հայաստանը կատարել է Су-30 կործանիչների ձեռքբերման համար անհրաժեշտ վճարման մի մասը Արցախում 3 բալ ուժգնությամբ երկրաշարժ է գրանցվել Դոնալդ Թրամփ. Մենք կանգնում ենք հայ ժողովրդի կողքին Միհրան Պողոսյանը քաղաքական ապաստան է խնդրել ՌԴ-ից Կնեսետի պատգամավորները կոչ են անում Իսրայելին ճանաչել Հայոց ցեղասպանությունը Թուրք ոստիկաններն արգելել են Սուլթանահմեթ հրապարակում Հայոց ցեղասպանության հիշատակի միջոցառման անցկացումը Էրդողանը Հայոց ցեղասպանության տարելիցին շարունակեց թուրքական ժխտողականությունը Թուրքիայի արտգործնախարարը հերքել է S-400-ները Ադրբեջանում տեղակայելու մասին լուրերը Բակո Սահակյանը հարգանքի տուրք է մատուցել Հայոց ցեղասպանության զոհերի հիշատակին Դավիթ Սանասարյանն իր հետ կապված քրեական գործի վերաբերյալ կխոսի նախաքննության ավարտին Ուղիղ միացում Ծիծեռնակաբերդից Ժոնաթան Լաքոտ․ Ապրիլ 24, հիշատակման օր, Արարատ լետ ԱԳՆ. Ցեղասպանությունը ժխտողականության քողի ներքո արդարացնելը ամոթալի և վտանգավոր երևույթ է 1915 թվականին տեղի ունեցածը 20-րդ դարի խոշորագույն վայրագություններից է. Լին Թրեյսի Հայաստանի բարձրագույն ղեկավարությունը հարգանքի տուրք մատուցեց Հայոց ցեղասպանության զոհերի հիշատակին
Խմբագրի ընտրություն
website by Sargssyan