AM | RU
USD
EUR
RUB

Նախագահի անձնական լուսանկարչի «Պատմություններ ճանապարհից» ցուցահանդեսը հանրայնացնում է նաև բացառիկը

 

ՀՀ նախագահի անձնական լուսանկարիչ Դավիթ Հակոբյանը «Պատմություններ ճանապարհից» խորագրով իր առաջին ցուցահանդեսով հանդիսատեսի դատին է ներկայացրել արդեն հրապարակված ու բացառիկ լուսանկարներ: «Արմենպրես»-ի փոխանցմամբ` շուրջ 40 լուսանկարներում կարելի է տեսնել ՀՀ նախագահին, համաշխարհային դեմքերին ու սովորական մարդկանց՝ կուլիսներից ներս ու դուրս:

Դավիթ Հակոբյանը լուսանկարչությամբ զբաղվում է 2002-ից: 2007-ից աշխատել է «Արմենպրես» լրատվական գործակալությունում, որպես ֆոտոլրագրող: 2010-ից ՀՀ նախագահի անձնական լուսանկարիչն է: Ստեղծման օրվանից PAN Photo-ի թիմի անդամ է:

Ցուցահանդեսի բացման արարողությանը ներկա էին ՀՀ նախագահի աշխատակազմի ղեկավար Վիգեն Սարգսյանը, Երևանի քաղաքապետ Տարոն Մարգարյանը, պատգամավորներ, Դավիթ Հակոբյանի գործընկերներն ու հարազատները:

Օրվա հերոսի` Դավիթ Հակոբյանի խոսքով` յուրաքանչյուր լուսանկարչի երազանքն է ունենալ անձնական ցուցահանդես, ինչն իրեն այս փուլում հաջողվեց: «Լուսանկարներ կան` 2004 թվականից սկսած մինչև վերջին օրերը: Կան լուսանկարներ, որոնք հրապարակվել էին ու կան այնպիսինները, որ առաջին անգամ են հրապարակվում: Բոլորը հիշողություններ են ու պատմություններ ճանապարհներից, քանի որ աշխատանքի բերումով շատ ենք ճանապարհորդում»,- ասաց արդեն 6 տարի ՀՀ նախագահի լուսանկարչի դերը ստանձնած Դավիթ Հակոբյանը: Հարցին ի պատասխան, թե որ լուսանկարն է հատկապես տպա վորիչ իր համար` նա նշեց. «Այդպիսի նկարները շատ են, բայց երևի թե ամենաշատը այն մեկը, որտեղ նախագահ Սերժ Սարգսյանը Հորդանան գետում է, ուր Հիսուս Քրիստոսը կնքվել է: Լուսանկար (խմբ. ՀՀ նախագահ Սերժ Սարգսյանը Հորդանան գետում 30.10. 2014), որը հրապարակված չի եղել, այսօր առաջին անգամ է ցուցադրվում: Կամ Ճապոնիայի կայսեր լուսանկարն է շատ տպավորիչ»,- նշեց լուսանկարիչը:

Դավիթ Հակոբյանը նկատեց` երբեմն լինում են առիթներ, երբ զսպում է էմոցիաներն ու որսում պատմական պահը: Վերջին այդպիսի դեպքը Արթուր Ալեքսանյանի` Օլիմպիական չեմպիոն դառնալն էր: «Չգիտեի` ուրախանայի, թե լուսանկարեի, բայց ընտրեցի նկարելը: Ու ստացվեց կադրը, որում նախագահը ձեռքերը վեր ուրախանում է»:

Դավիթ Հակոբյանի տեղեկացմամբ` նախագահ Սերժ Սարգսյանը տեղյակ է ցուցահանդեսից, տեսել է լուսանկարներն ու դրական արտահայտվել:

ՀՀ նախագահի աշխատակազմի ղեկավար Վիգեն Սարգսյանն «Արմենպրես»-ի հետ զրույցում նշեց, որ Դավիթի նկարներն իրեն միշտ գրավել են ու անգամ իր աշխատասենյակում նախագահի պաշտոնական լուսանկարի փոխարեն կախված է Դավիթ Հակոբյանի հեղինակած նկարը, որտեղ Սերժ Սարգսյանը Կրեմլի պալատում է (լուսանկարն այս վերտառությամբ է` ՀՀ նախագահը Կրեմլի պալատում 21.12.2011): «Նայելով այս լուսանկարներին` մենք տեսնում ենք ամենատարբեր քաղաքական գործիչների բնավորությունը, դիրքորոշումը, իրոք հիշում ենք այն պահերը, որ այդ լուսանկարներն արվել են: Հիշում ենք դրանց հետ կապված հանդիպումները, բանակցությունները: Շնորհակալ ենք Դավիթին իրոք շատ հրաշալի ցուցահանդեսի համար»,- ասաց Վիգեն Սարգսյանը:

ՀՀ նախագահի նախկին անձնական լուսանկարիչ Մարտին Շահբազյանի խոսքով` ինքն այնքան ուրախ է, որ կարծես իր ցուցահանդեսը լինի: Մարտին Շահբազյանին հաճելիորեն զարմացրել է Դավիթ Հակոբյանի համարձակությունն այդ տարիքում նման ցուցահանես ունենալու: «Ես իր տարիքում ռիսկ չեմ արել ցուցահանդես ունենալ: Ապրի ինքը, որ գնացել է այդ ռիսկին ու բացել այս ցուցահանդեսը»,- նշեց ավագ լուսանկարիչը: Նա նկատեց, որ թեև լուսանկարչական տեխնիկային տիրապետողների թիվը շատացել է, բայց կարևորը ստեծագործական հետաքրքիր միտք ցուցաբերելն է, որը Դավիթի մոտ ստացվում է: «Նա շատ շուտ կարողացավ ընկալել ու մտնել շատ բարձր դասի լուսանկարիչների շարքը»,-հավելեց նա:

Անդրադառնալով հարցին, թե որ լուսանկարն է նրան ամենաշատը դուր եկել` Մարտին Շահբազյանը ցույց տվեց իր թիկունքում կախված ցուցանմուշը` «Արարատ լեռը` հայ-ադրբեջանական սահմանագծից 31.12.2014» անվանումով: «Սա է ամենալավ նկարը, այն է, որ ես եմ ուզում: Սա պիտի աչք ունենաս, որ նկարես: Պիտի պաշտոնականը մի կողմ թողնես ու շուռ գաս այս գեղեցկությունը նկարելու: Քանի որ ամեն մարդ չի լինում այդ վայրում: Մարդը հավանում է այն, ինչ ինքն անձամբ չի տեսնում: Մարդը բարձունքից նկարները սիրում է, քանի որ այդ կետից ինքը դա չի տեսել: Պետք է գտնես ճիշտ ռակ ուրսը»,- ավելացրեց Մարտին Շահբազյանը:

ՀՀ մշակույթի նախարար Հասմիկ Պողոսյանն էլ ուրախ է, որ երիտասարդ լուսանկարչին տրվել է հնարավորություն ցուցադրել իր լուսանկարները, որոնք արվեստի գործեր են: «Նայելով յուրաքանչյուր լուսանկարի, պարզ երևում է, որ այն արվեստ է, փաստավավերագրում չէ: Իսկ արվեստի մեջ որքան շատ մարդ ներգրավված լինի, մեր կյանքն ու ապագան էլ ավելի լավը կլինի»,- հավելեց մշակույթի նախարարը: Նրա խոսքով` Դավիթ Հակոբյանի նկարներից երևում է մարդը` իր զգացմունքներով, լինի պաշտոնյա, թե հասարակ մարդ:

Ցուցահանդեսը բացվել է ՀՀ նկարիչների միությունում, այն կգործի օգոստոսի 29-30-ին:

Լրահոս
Արսեն Թորոսյանը քննադատությունների կիզակետում է.«Մեդիա պաշտպան» Հայաստանում կորոնավիրուսով վարակված 33 տարեկան պացիենտ է մահացել Ադրբեջանի բարձրագույն ղեկավարությունը պատրաստ չէ խաղաղության. ՀՀ ԱԳՆ Ինչպես են հղի կանայք տանում կորոնավիրուսային հիվանդությունը Վարչապետ Փաշինյանի ճեպազրույցը՝ Արսեն Թորոսյանի և Արտաշատի ԲԿ կլինիկական աշխատանքների ղեկավար Լիլիթ Մուսեյանի մասնակցությամբ. ՈՒՂԻՂ Փաշինյանը պետք է հրաժարական տա, իսկ ԱԺ-ն նախաձեռնի ազգային համաձայնության կառավարություն. Արթուր Վանեցյան. ՏԵՍԱՆՅՈՒԹ Նիկոլ Փաշինյանը նոր որոշում է ստորագրել ՊԲ-ն դիրքերում սպառազինության, վառելիքի և սննդի պրոբլեմ չի ունեցել. Անդրանիկ Քոչարյան (տեսանյութ) Պետք է շատ արագ կրկնապատկվի Առողջապահության բյուջեն. Արա Բաբլոյան Վրաստանի քաղաքացիները ստորագրահավաք են սկսել` խնդրելով երկրի կառավարությանն օգնել Հայաստանին կորոնավիրուսի դեմ պայքարում ՊԵԿ նախագահ Դավիթ Անանյանը հրաժարական է տվել Եթե թեստավորվեին բոլոր ասիմպտոմ հիվանդները, մահացության տոկոսն ավելի ցածր կլիներ. Արմեն Մուրադյան (տեսանյութ) Հայաստանում կորոնավիրուսի տարածման տեմպերը խիստ մտահոգություն են առաջացնում. Հայտարարություն 40 տարեկանից բարձր՝ կորոնավիրուսից մահանալու հավանականության կորն էապես բարձրանում է. ԵՊԲՀ դասախոս Դիակների գնով աթոռներից կառչողները, նենգաբար ստողներն այսօր փորձում են «բարոյականության» դասեր տալ. Աշոտյան Ոնց եմ ամաչում ձեր փոխարեն. Նաիրա Զոհրաբյան «Վեոլիա Ջուր»-ը տեղեկացնում է իր հաճախորդներին և սպառողներին. ջուր չի լինելու Ինչքան ուզում եք՝ «վեթինգ» արեք. Մարաբյանի ու նրա նմանների ինչի՞ն եք կպնելու. Ռուբեն Մելիքյան Հակոբ Արշակյանն այն լուրերի մասին, որ իրեն զենք կրող մարդ է ուղեկցել Իշխանությունը չպետք է լկտիանա և իրեն անպատասխանատու զգա. Քաղաքագետ ՀՀ Զու ԳՇ պետը հետևել է ՊԲ հարավային ուղղությամբ իրականացվող ինժեներական ամրաշինական աշխատանքների ընթացքին Նոր նշանակում Արցախի Հանրապետությունում Մարտունու և Սևանի անձնագրային բաժանմունքների պետերի պաշտոնավարումը ժամանակավորապես դադարեցվել է Կորոնավիրուսի հետ կապված միֆերն ու իրականությունը․ պարզաբանում են մասնագետները․ ուղիղ 5-րդ ալիքի տնօրեն. Այս գործողությունը նախապես կազմակերպված է եղել Վրաստանում մեկ օրվա ընթացքում գրանցվել է կորոնավիրուսով վարակման 1 նոր դեպք Զինված անձը «պահպանում է» Հակոբ Արշակյանի անվտանգությունը (տեսանյութ) Արսեն Թորոսյանին չեն ներելու առաջին հերթին հենց բժիշկները. Պատգամավոր 244 մարդու գլուխ կերած Նիկոլ Փաշինյանը ժամ առաջ պետք է հրաժական տա ու սպասի իր դատաստանին. Միհրան Հակոբյան Կառավարությունը հաստատեց ԱՄՀ-ից 315 մլն դոլարի վարկ վերցնելու մասին համաձայնագիրը Միքայել Մինասյանի կալանավորման խայտառակ որոշման վերացումը Վերաքննիչի կողմից սպասելի էր․ Ամրամ Մակինյան Ռուսական շուկայից զենք է արտահանվել երրորդ երկիր, որը հակասում է հայ-ռուսական ռազմատեխնիկական համագործակցության կանոններին. Զաքարյան Կառավարության մոտեցումը համաճարակին մնում է նույնը՝ քաղաքացիներն են մեղավոր. Աղասի Ենոքյան ՀՀ նախկին դեսպան Միքայել Մինասյանին կալանավորելու վերաբերյալ որոշումը վերացվեց. Միհրան Պողոսյան ԱՀ տարածքում հայկական հեռուստաընկերությունների հեռարձակումը խոչընդոտելն անընդունելի և խիստ վտանգավոր քայլ է. «Մեդիա պաշտպան» Հայաստանում հաստատվել է կորոնավիրուսով վարակվելու 697, կան մահվան դեպքեր «Փաստ»․ Կունենա՞նք ազգային գաղափարախոսության հայեցակարգ «Հրապարակ». Մարդու կյանքն ավելի անարժեք է այս երկրում, քան իշխանությունների իմիջը «Առավոտ»․ Կառավարությունը տապալել է համաճարակի դեմ պայքարը և պետք է օր առաջ հեռանա․ Արթուր Վանեցյան «Փաստ». Մինչև ո՞ւր կհասնի Հայաստանի ավիացիոն ֆիասկոն
Խմբագրի ընտրություն
website by Sargssyan