AM | RU
USD
EUR
RUB

Գագիկ Բաղունց. Մադրիդյան սկզբունքները չեն կարող ելակետային հիմնադրույթ լինել բանակցությունների համար:

 

Պետք է սեփական ռազմաարդյունաբերությունն ունենաք: Որովհետև, տեսանք, որ 21-րդ դարի պատերազմը տեխնոլոգիական պատերազմ է և գնալով այդ բաղադրիչն էլ ավելի կկարևորվի,- համոզված է ԼՂՀ ԱԺ պատգամավոր, «Շարժում-88» խմբակցության անդամ Գագիկ Բաղունցը:

Ի՞նչ պետք է անել, որ այս պատերազմը հակամարտության կարգավորման տանող ճանապարհին ոչ թե հերթական սրում, այլ առաջընթացի հանգրվան դառնա:

Այսպիսի փիլիսոփայական միտք կա` նրա համար, ով հստակ նպատակ չունի, ոչ մի քամի էլ չի կարող ուղեկից լինել: Այն մարդը կամ երկիրը, ով չի կարող սեփական խնդիրներն ու խնդիրների լուծումը հստակ նշել, կողմնակիցներ չի ունենա: Գնահատելով ստեղծված իրավճակն ու մեր անելիքները` ես գալիս եմ այն եզրակացության, որ Ադրբեջանի դեմ մեր դիմադրողականության պոտենցիալի բարձրացումը կախված է հիմնականում երեք բաղադրիչներից: Առաջինը արտաքին քաղաքական և ռազմատեխնիկական օգնությունն է, երկրորդը` մեր սեփական ֆինանսական ու ռազմաարդյունաբերության պոտենցյալը և, վերջապես, մարդկային ռեսուրսը:

Մեր ոչ արդյունավետ արտաքին քաղաքականության արդյունքում ունեցանք այն, որ մեր ռազմավարական դաշնակիցը, ոչ միայն մեզ չի օգնում, այլև վնասում է` զինելով մեր թշնամուն:

Մեր ֆինանսական միջոցների օգտագործումը շատ հեռու է արդյունավետ լինելուց: Արդյունքը եղավ այն, որ մեր բանակի տեխնիկական հագեցվածությունը հեռու է ժամանակակից պահանջներից: Իհարկե, դա վճռական դեր չխաղաց, բայց մենք պետք է պատրաստ լինենք ավելի երկարատև պատերազմի: Իսկ այն, որ մեր ֆինանասական աղբյուրները զիջում են Ադրբեջանի եկամուտներին, երկրորդական հարց է: Մեր միջոցների ռացիոնալ օգտագործումից էլ կարող ենք շատ հաջողություններ ունենալ:

Առաջին և երկրորդ գործոնների գրեթե բացակայության պարագայում այս պատերազմից կարողացանք պատվով դուրս գալ միայն ու միայն մեր բանակի` զինվորների ու սպայական կազմի բարձր պատրաստվածության ու հերոսության շնորհիվ: Առաջին և երկրորդ կետերի ապահովումը մեզ թույլ կտար խուսափել մի քանի տասնյակ զոհերից:

Ես անընդհատ կրկնում եմ մի Կերոլ Լյուիսի միտքը. Պետք է արագ վազել, որ մնաս նույն տեղում, իսկ առաջ անցնելու համար պետք է երկու անգամ ավելի արագ վազել: Մեր ուժեղ ու մարտունակ բանակի մասին պատկերացումները, որոնք իսկապես հիմնավորված են, մեզ թույլ չեն տվել սեփական թերացումները տեսնել ու մտածել առաջընթացի մասին: Բայց մենք տեսանք, որ ժամանակակից պատերազմը տեխնոլոգիական պատերազմ է: Իհարկե, ոգին կարևոր է: Բայց ժամանակակից տեխնոլոգիաները շատ բան են փոխում: Այսինքն մենք չպետք է բավարավենք մեր ձեռքբերումներով: Անընդհատ զարգացումներ են պետք: Իսկ այստեղ մեր հույսը պետք է միայն ու միայն մեզ վրա դնենք` մեր բանակի, մեր զարգացած արդյունաբերության վրա: Պետք է սեփական ռազմաարդյունաբերությունն ունենաք: Որովհետև, տեսանք, որ 21-րդ դարի պատերազմը տեխնոլոգիական պատերազմ է և գնալով այդ բաղադրիչն էլ ավելի կկարևորվի: Այս առումով մենք շատ հեռու ենք ժամանակաից պահանջներից իսկ, որպեսզի պատկերացնենք, թե որքան ենք հեռու, կարող եմ Իսրաելի օրինակը բերել: Սկզբնական պոտենցյալով Իսարելն ավելի շատ ներուժ չուներ, քան Հայաստանն ունի, ավելին, Հայաստանը Խորհրդային միությունից ժառանգել է գիտական հսկայական ներուժ, մի բան, որն Իսրաելը չուներ: Մեր գիտական ներուժն օգտագործելով այս ուղղությամբ կարող ենք ունենալ այնպիսի արդյունքներ, ինչպես Իսրաելը, որը սեփական սպառազինության պահանջները հոգալուց բացի տարեկան 6 միլիարդի զինտեխնիկա է վաճառում: Մենք ունենք բոլոր նախադրյալները նման և դեռ ավելի մեծ հաջողություններ ունենալու համար: Պետք է միայն նպատակային օգտագործել մեր գիտական ու ֆինանսական ներուժը: Մեր համար մեկ խնդիրը սա պետք է լինի:

Ինչպես հասկացա, կայունության ու խաղաղության միակ երաշխավորն, ըստ Ձեզ, միայն լավ պատրաստված ու զինված բանակը կարող է լինել: Իսկ բանակցային գործընթացից ի՞նչ ակնկալիքներ ունեք:

Միգուցե ցավալի ճշմարտություն է, բայց, բանակցային սեղանի շուրջ ներկայացվող նույնիսկ ամենախելոք մշակված դիրքորոշումը արժեք չունի կամ էլ, Խրիմյան Հայրիկի ասած, թղթի շերեփի վիճակում է լինում, եթե այդ դիրքորոշման հետևում չկա հզոր երկիր, հզոր բանակով ու դաշակիցներով: Նաև հակառակ` միայն ուժի վրա հիմնված դիրքորոշումն էլ սխալ է: Ուղակի պետք է խորը մշակված բանակցային գործընթաց վարել, հասկանալով, որ կան գլոբալ շահեր, որտեղ մեզ հաշվի չեն առնում, կան կրկնակի ստանդարտներ, և այլն, և այլն: Մենք պետք է պահանջված լինենք ժամանակակից աշխարհում, գիտատեխնիկական ու արդյունաբերական կապերով կապված լինենք աշխարհին, որպեսզի մեր պակասը աշխարհը զգա, որպեսզի մեր կողքին կանգնելու անհրաժեշտություն ունենան: Այսօր աշխարհն առաջնորդվում է ոչ թե էմոցիաներով կամ պատմական անցյալով, այլև շահերով: Պետք է մեզնից արժեք ներկայացնենք, որպեսզի դաշնակիցներ ունենանք: Ժամանակն է որպես պետություն ու որպես ազգ հասունանալ ու գիտակցել, որ յուրաքանչյուր ազգ իր շահերն է հետապնդում: Երկրներին էլ դաշնակից է դարձնում միայն ընդհանուր շահը: Ընդհանուր շահերի բախումներից հեշտությամբ փոխվում են դաշնակիցների հարաբերությունները: Պետք է սեփական քաղաքականությունն ունենալ և անընդհատ հզորանալ: Թույլերը ընկերներ չեն ունենում:

Ո՞րն է Ձեր դիրքորոշումը Մադրիդյան սկզբունքների վերաբերյալ:

Մադրիդյան սկզբունքների հիմքում դրված ի սկզբանե տարածքային զիջումները փակուղի տանող ճանապարհ է: Մենք գիտենք, թե ում հետ գործ ունենք: Այն լուծումները, որոնք կարող են լինել, ասենք, եվրոպական երկրների պարագայում, մեզ մոտ կիրառելի չեն, որովհետև մեր թշնամին հայկական տարրը վերացնելու նպատակ է հետապնդում: Տարածքային որևէ զիջում Ադրբեջանին ավելի հարմար դիրքավորվելու և, ըստ այդմ էլ, ավելի ագրեսիվ գործելու հնարավորություն կտա: Որից, իհարկե, նա անպատճառ կօգտվի: Այդ պատճառով էլ Մադրիդյան սկզբունքները չեն կարող ելակետային հիմնադրույթ լինեն բանակցությունների համար: Այդ սկզբունքներում շատ ու շատ սպառնալիքներ կան թաքնված: Համաձայն այդ փաստաթղթի` մենք տալիս ենք շատ բան` ձեռք բերելով միայն անորոշություն: Իսկ տարածքային փոխզիջումների մասին խոսելիս պետք է հիշենք ու հիշեցնենք, որ 1994թ զինադադարի կնքումն արդեն իսկ փոխզիջում էր մեր կողմից: Այդ ժամանակ մենք կարող էինք շատ ավելի ցավոտ հարվածներ հասցնել Ադրբեջանին: Իսկ քառօրյա պատերազմից հետո Ադրբեջանին նման կոշտ դիրքորոշում ընդունելու հնարավորություն տալու սխալը, հետագայում առանց լուրջ ցնցումների չենք կարողանա ուղղել:

Այս անգամ մենք պարտավոր ենք պատերազմից ավելի ուժեղացած դուրս գալ: Ցանկացած հետագա պատերազմում կհաղթի նա, ով ինտելեկտուալ ու տեխնոլոգիական ոլորտներում ավելի զինված կլինի, քանի որ հենց այդ բաղադրիչներն են տարեցտարի ավելի մեծ նշանակություն ունենում: Մենք չպետք է սպասենք, որ պատերազմն ավարտվի, հետո զբաղվենք այս հարցերով, այս ամենը պետք է զուգահեռ արվի:

Զրույցը վարեց Յուլիա ՎԱՆՅԱՆԸ

Լրահոս
Հանրակրթության վիճակի նոր «մեղավորը» Իշխանությունը Միքայել Մինասյանի դեմ պայքարում է որպես քաղաքական հակառակորդի՝ քրեաիրավական գործիքներով. Միհրան Պողոսյան (տեսանյութ) Մենք այլ ելք չենք ունենա, քան վերադառնալ սահմանափակումների ռեժիմին. Փաշինյան Ադրբեջանի հատուկ ծառայությունները համացանցով փորձել են տեղեկություններ կորզել ՀՀ ԶՈւ վերաբերյալ Հայաստանի ասորական համայնքը դատական հայցով Հայ առաքելական եկեղեցուց պահանջում է վերադարձնել Դիմիտրով համայնքի եկեղեցին (տեսանյութ) «Դալմա Գարդեն մոլում» ռումբ չի հայտնաբերվել (տեսանյութ) Կարևոր նորություն աղբահանության վճարների մասին ՌԴ զորամասի պայմանագրային զինծառայողի մահվան դեպքի առթիվ հարուցվել է քրեական գործ «Նոր Զովք» առևտրի կենտրոնում ՍԱՏՄ տեսուչներն արձանագրել են մի քանի խախտումներ Դատարանը վարույթ է ընդունել Արթուր Վանեցյանի հայցն ընդդեմ պատգամավոր Արման Բաբաջանյանի լրատվամիջոցի Ոստիկանապետի հրամանով՝ Արմեն Մկրտչյանը նշանակվել է ոստիկանության շտաբի պետ Հայաստանում հաստատվել է կորոնավիրուսով վարակվելու 330 դեպք Մերժվեց Սուրբ Աթոռում ՀՀ նախկին դեսպան Միքայել Մինասյանին կալանավորելու վերաբերյալ միջնորդությունը. Մակինյան Երկրաշարժ՝ Մարմարաշեն գյուղից 6 կմ հարավ-արևելք ՕՐՎԱ ԽՈՐՀՈՒՐԴԸ: Հուլիսի 6 89+1 դատվողները Ճանապարհը արդյունավետության գնահատումն է. Միքայել Մալխասյան Պետական կաշառքից մինչև Սահմանադրական կարգի տապալում. ՍԴ շուրջ իրավիճակը 1 տարվա ընթացքում (տեսանյութ) Հայաստանում հաստատվել է կորոնավիրուսով վարակվելու 706 դեպք «ՀՀ Սահմանադրություն․ կարմիր և կանաչ գծեր». Խորհրդաժողով` նվիրված ՀՀ Սահմանադրության օրվան. ՈՒՂԻՂ Անձնական շահադիտությամբ Սահմանադրության խախտումը չի կարող անհետևանք լինել Այսօր Գոշավանքում տեղի կունենա «Իրավական ուղու» կազմակերպած խորհրդաժողովը՝ նվիրված ՀՀ Սահմանադրության օրվան Պետք է դադարենք ժամանակ ծախսել ներքաղաքական խնդիրների վրա և նախագծենք ՀՀ-ի զարգացման տեսլականը. Ոսկանյան Որքա՞ն աշխատավարձ են ստացել նախարարները 2019 թ-ին, ի՞նչ ունեցվածք ունեն․ 12 նախարարների հայտարարագրերը Սարսանգի ջրամբարում 11 և 14-ամյա երեխաներ են ջրահեղձ եղել Ադրբեջանը հայ դիրքապահների ուղղությամբ արձակել է շուրջ 2000 կրակոց Հուլիսի 6-ի հոսանքազրկումների մասին Նոր ՀԿ՝ գիտության ու կրթության զարգացման և իրավունքների պաշտպանության համար Միջազգային հեղինակավոր պարբերականներն ու ABC հեռուստաալիքն անդրադարձել են «ԱրմՆյուզ» և «5-րդ ալիք» հեռուստաընկերություններ ոստիկանների այցելությանը Էջմիածնի Մայր Տաճարի վերանորոգումը խոչընդոտելու հրահանգը տրված է անձամբ Փաշինյանի կողմից. Աշոտյան Հովիկ Աղազարյանի որդուն մեղադրանք է առաջադրվել. գործն ուղարկվել է դատարան «Այսօր մենք ամեն ոլորտում կորցնում ենք հայկականը» Օդի ջերմաստիճանը կբարձրանա Արայիկ Հարությունյանը ընդունել է Զոհրաբ Մնացականյանին Արցախում կորոնավիրուսով վարակվածների թիվը 129 է. ծանր վիճակում է գտնվում մեկ հոգի Հայաստանում հաստատվել է կորոնավիրուսով վարակվելու 580 դեպք «Հրապարակ». Իշխանությունը ձեռնամուխ է եղել մամուլի և խոսքի ազատության դեմ պայքարելու գործին «Հրապարակ». Իշխանությունների հույսերը չեն արդարացել «Հրապարակ». Արարատ Միրզոյանը Փաշինյանին համոզել է ևս մեկ անգամ «չտապալել» սահմանադրական կարգը ՕՐՎԱ ԽՈՐՀՈՒՐԴԸ: Հուլիսի 4
Խմբագրի ընտրություն
website by Sargssyan