AM | RU
USD
EUR
RUB

Արմեն Սարգսյան. Մենք չենք կարող առաջնորդվել Մադրիդյան սկզբունքներով

 

Դիվանագետի մեջ պետք է լինի զինվորի ոգին: Այն զինվորի, որը սահմանի վրա կարողանում է կյանքի գնով, ինչ-որ տեղ նույնիսկ չհաշվարկելով իր տեխնիկան և այլն, անառիկ պահել մեր հայրենիքի սահմանը,- ասում է ԼՂՀ ԱԺ պատգամավոր, Դաշնակցություն խմբակցության անդամ Արմեն Սարգսյանը:

Ըստ Ձեզ, կայծակնային պատերազմով ի՞նչ խնդիր է փորձել լուծել Ադրբեջանը քաղաքական դաշտում:

Ադրբեջանը կայծակնային պատերազմով ցանկացել է ոչ թե լուծել Ղարաբաղի հարցը, այլ հասնել որոշակի հաջողությունների, որոնք հետագայում կկարողանար օգտագործել դիվանագիտության մեջ: Դրա համար էլ հարձակվել է հյուսիսային ու հարավային շրջաններից` մի կողմից հույսը դնելով հատուկ ջոկատայինների, մյուս կողմից էլ` զինտեխնիկայի համար բարենպաստ հարթավայրային դիրքի վրա: Ակնհայտ է, որ որոշակի հաջողության հասնելու դեպքում կհարվածեր նաև կենտրոնական մասին: Խնդիրը նրա մեջ էր, որ այս 22 տարիների ընթացքում սպառազինության վրա միլիարդավոր դոլարներ ծախսելով` Ալիևն ուզում էր ապացուցել ինքն իրեն, իր ժողովրդին ու ամբողջ աշխարհին, որ կարող է զենքի ուժով գրավել Ղարաբաղը: Նրա ծրագիրը լիովին ձախողվեց: Արդյունքը եղավ այն, որ նա դիմեց Ռուսաստանին ու զինադադար խնդրեց: Որովհետև Ալիևի համար պարզ էր, թե պատերազմի շարունակումն ինչ հետևանքներ կունենար: Պատերազմը կանգնեցվեց այն պահին, երբ արդեն մենք էինք հակահարձակման անցել: Իմ կարծիքով` այս պատերազմը պետք էր հանգեցներ հենց դիվանագիտական ասպարեզում Ադրբեջանի հաջողությանը:

Հիմա, երբ արդեն ակնհայտ է, որ հայոց բանակն, իսկապես, տարածաշրջանի անվտանգության երաշխավորն է ու կարող է իր առջև դրած խնդիրները լուծել, արդյոք ժամանակը չէ՞ բանակցային սեղանի շուրջ ավելի սուր հարցադրումներ անելու:

Ես և իմ ներկայացրած կուսակցությունը` Դաշնակցությունը, միշտ էլ եղել ենք այն կարծիքին, որ բանակցային սեղանի շուրջ պետք է միայն սուր հարցադրումներ լինեն: Պետք չէ սպասել, որ նորից մի քառօրյա պատերազմում հաղթենք, նորից ապացուցենք մեր ուժն ու հետո սուր հարցադրումներ անենք: Բանակցությունների ընթացքում պետք է մաքսիմալիստ լինել և ընթացքում կպարզվի, թե քո նշաձողից որքան ցածր կարող ես հասնել: Ի սկզբանե չի կարելի աշխատել միջին կամ մինիմալ պահանջներով: Դա մեր կուսակցության գաղափարախոսությունն է, որին մենք դավանում ենք:

Եթե հիշում եք 1994-ին էլ մենք պրոբլեմներ ունեինք հենց մաքսիմալիստական մոտեցումների հետ կապված: Որովհետև, եթե պատերազմը մի քիչ էլ շարունակվեր, ապա Ադրբեջանում հեղաշրջում կլիներ և Ալիևների դինաստիան կընկներ: Ալիևը չեր կարող թույլ տալ, որ իր դինաստիան տապալվի, դրա համար էլ Հեյդար Ալիևն ուղիղ կապի մեջ էր Ղարաբաղի այն ժամանակների իշխանությունների հետ: Իսկ Հայաստանի այն ժամանակների իշխանությունը փոխանակ քաղաքական պայմաններ առաջ քաշելու` փորձել է ապացուցել գերտերություններին ու հատկապես Ռուսաստանին, որ նա իշխանություն ունի Լեռնային Ղարաբաղի վրա: Արդյունքում ունեցանք այն, ինչ ունեցանք: 1994թ հետո քանի՞ զոհ տվեցինք: Իմ կարծիքով` այս պատերազմը չէ, որ պետք է մեզ հուշեր մաքսիմալիստական լինել, մենք ի սկզբանե պիտի այդպիսին լինեինք:

Դուք պատկերացնու՞մ եք հիմնախնդրի իրավաքաղաքական կարգավորումը, թե բոլոր դեպքերում պատերազմն անխուսափելի է:

Իհարկե, պատկերացնում եմ քաղաքական կարգավորումը: Բայց խնդիրը նրա մեջ է, որ այն տպավորությունն է ստեղծվել, թե պարտություն կրած երկիրը պետք է հաղթանակի տիտղոսը կրած կնքի այդ պայմանագիրը: Պատճառը մեր դիվանագիտության մեջ եղած լուրջ ձախողումներն են` նույն մաքսիմալիստական չլինելու առումով: Ղարաբաղյան հիմնախնդրի խաղաղ կարգավորումը չպետք է դիտարկվի միայն Ադրբեջանի հետ փոխհարաբերություններում: Ադրբեջանի հետ մեր հարաբերություններում միայն մեկ հարց ունենք քննարկելու` մեր կարգավիճակի հարցը: Դրան զուգահեռ մենք պետք է լուրջ աշխատանքներ տանենք Արցախի ճանաչման հարցով: Ինչպես դա արեց Կոսովոն, Հարավային Օսետիան կամ Աբխազիան` օգտագործելով արևելքը կամ արևմուտքը: Մենք, փառք Աստծո, սկսել ենք Արցախի ճանաչման գործընթացը, բայց ես չեմ կարծում, թե մենք ամբողջ ներուժով ենք աշխատում այս ուղղությամբ:

Այսինքն, դուք կարծում եք, որ միջազգային ճանաչումը մեզ կտա անվտանգության այնպիսի երաշխիքներ, որ ապօրինածին ու, ըստ էության, ահաբեկչական այդ պետությունը կհարգի՞ այդ փաստաթուղթը կամ կարգավիճակը:

Իհարկե ոչ: Երաշխիքները ծիծաղելի են: Հայաստանի Հանրապետությունը ճանաչված երկիր է, բայց Ադրբեջանը կրակում է Տավուշի վրա: Մենք մեր հույսը պետք է միայն մեր ուժի վրա դնենք` աշխատելով երկու ճակատներում էլ: Այս տեսակետից նույնպես Կոսովոյի, Աբխազիայի ու Օսետիայի օրինակները մեզ համար կարող են ուսանելի լինեն: Իմ կարծիքով` մենք ճիշտ չենք օգտագործում մեր խաղաքարտերը: Այսօր էլ արևելքի ու արևմուտքի միջև հակասություններ կան, որոնցից կարելի է օգուտ քաղել: Ուղակի պետք է ուղղել մեր դիանագիտության մեջ առկա սխալները: Պետք է քո առաջ նպատակ դնես և փորձես գտնել բոլոր մեթոդները այդ նպատակին հասնելու համար, ոչ թե ի սկզբանե մտածես, որ դա հնարավոր չէ անել: Եթե մենք մեր ներուժի ոչ ամբողջական կիրառումով կարողացել ենք հասնել այսքան երկրների կողմից ճանաչմանը, ապա ճիշտ հաշվարկներ անելով ու ճիշտ քաղաքանություն վարելով կարելի է այդ գործընթացը նոր հանգրվանի հասցնել: Հասնել նրան, որ նորանոր երկրներ ճանաչեն մեր անկախությունը: Իմ կարծիքով` ապագան դրա մեջ է: Ադրբեջանի հետ մեր հարաբերություններում պետք է միայն նրան հասկացնենք, որ պատերազմը այն ճանապարհը չէ, որով կարելի է լուծել այս հիմնախդիրը: Իմ խորին համոզմամբ` ղարաբաղյան հիմնախնդիրը լուծելու է հենց մեր երկրի միջազգային ճանաչումը:

Հիմա, առավել քան երբևէ, խոսվում է այն մասին, որ մեր դիվանագիտությունը չի հասցնում մեր զինվորի ձեռքբերումներն ամրագրել ու զգալիորեն հետ է մնում դեպքերի զարգացումներից:

Դրա մեջ ճշմարտություն կա: Դիվանագետի մեջ պետք է լինի զինվորի ոգին: Այն զինվորի, որը սահմանի վրա կարողանում է կյանքի գնով, ինչ-որ տեղ նույնիսկ չհաշվարկելով իր տեխնիկան և այլն, անառիկ պահել մեր հայրենիքի սահմանը: Դիվանագետն էլ մարտի մտնելով` պետք է զինվորի ոգին ունենա ու աշխատի հասնի մաքսիմում արդյունքի: Այդ ուղղությամբ մենք լուրջ աշխատանք պիտի տանենք:

Մադրիդյան սկզբունքներ. տարածքներ` կարգավիճակի դիամց: Արդյո՞ք սա հնարավոր է, էլ չեմ խոսում ողջամտության մասին:

Մադրիդյան սկզբունքները միայն տարածքների վերադարձ չեն ենթադրում: Դա մի քանի կետերից կազմված փաստաթուղթ է, որը պետք է դիտարկել իր ամբողջության մեջ: Մեր կուսակցությունը առաջին անգամ չէ, որ հանդես է գալիս այդ սկզբունքների ժխտմամբ: Մենք բազմիցս ասել ու ասում ենք, որ պետք է փոփոխման ենթարկել այդ փաստաթղթի մի շարք կետեր: Մենք չենք կարող առաջնորդվել Մադրիդյան սկզբունքներով:

Զրույցը վարեց Յուլիա ՎԱՆՅԱՆԸ

Լրահոս
Հայոց հաղթական բանակի շուրջ համախմբումը բոլորիս պարտքն է․ Արթուր Վանեցյան Արդբեջանական խոցված անօդաչու թռչող սարքն արժե մոտ 30 մլն ԱՄՆ դոլար Արծրուն Հովհաննիսյանի ճեպազրույցը՝ Իջևանում. ՈՒՂԻՂ Վարչապետ Փաշինյանը հանդիպել է ՊՆ և ԶՈՒ ղեկավար կազմին (տեսանյութ) Ալիևը վախենում է, որ Հայաստանում իշխանափոխության վտանգն իրատեսական է. Աղասի Ենոքյան Բելառուսի ԱԳՆ-ն Ադրբեջանին և Հայաստանին կոչ է արել խուսափել իրավիճակի սրումից ՀԱՊԿ-ը հաշվի է առել հայ-ադրբեջանական սահմանին տիրող իրավիճակի մասին Հայաստանի զեկույցը Հայկական հաքերային թիմը կոտրել է Ադրբեջանի մոտ երկու հազար տնային տնտեսությունների և օֆիսների WiFi սարքերը Անթալիայում 4 մագնիտուդ ուժգնությամբ երկրաշարժ է եղել Թող օգնության հասնող Աստվածամայրը մայրաբար պաշտպանի սահմանին կանգնած մեր սպային ու զինվորին. Միքայել Մինասյան Ինչպես են հայ զինվորականները խոցում ադրբեջանական «Elbit Hermes 900» անօդաչու թռչող սարքը (տեսանյութ) Արցախա-ադրբեջանական հակամարտ զորքերի առաջնագծում վերջին երկու օրերին հարաբերական կայուն իրադրություն է ՊՆ-ն հայտնում է երկու զոհի մասին Ռոբերտ Քոչարյանի պաշտպանները միջնորդեցին գնահատել Քր․ Օր․-ի 300 հոդվածի սահմանադրականության հարցը Վաղը Սևանի մի քանի հասցեներում ջուր չի լինի ՀՀ-ում 24 ժամով կասեցվել է երեք տասնյակից ավելի տնտեսավարողների գործունեությունը. ՍԱՏՄ Անգամ այս իրավիճակում պոռոտախոսող իշխանական պատգամավորների գլխին մի բանով տվեք. Աշոտյան Դժգոհությունը Նիկոլ Փաշինյանից ամենուրեք է. ՏԵՍԱՆՅՈՒԹ Դեռևս մեկ շաբաթ առաջ Ալիևը խոսել էր բանակցությունների ոչ էֆեկտիվ լինելու մասին. Տ. Աբրահամյանը՝ ադրբեջանական սադրանքի մասին Վնասվել են Տավուշի մարզի երեք գյուղերի վերգետնյա գազատար ցանցերը Ադրբեջանական կողմը սեփական բնակչությանը շրջապատել է հրետանային մարտկոցներով Պեսկով. Կրեմլում խիստ մտահոգված են Հայաստանի և Ադրբեջանի սահմանին փոխհրաձգություններով Արցախա-ադրբեջանական շփման գծում վիճակը հանգիստ է. խոսնակ ՀԱՊԿ-ը կոչ է արել Երևանին և Բաքվին անհապաղ դադարեցնել կրակը սահմանին Հակառակորդի արձակած կրակից մահացու վիրավորում են ստացել զինծառայողներ Նիկոլ Փաշինյանի ու կառավարության պաշտոնական կայքերը կոտրվել են ադրբեջանական հաքերների կողմից Մի քանի ժամ է՝ վարչապետի ու Կառավարության կայքերը հասանելի չեն Ռ. Քոչարյանի և մյուսների գործով դատական նիստը. ՈՒՂԻՂ Ադրբեջանական սոցկայքերը հայտնում են սպանվածների մասին ՀԲԸՄ-ն կանգնած է Հայաստանի կառավարության և զինված ուժերի ու Արցախի ժողովրդի թիկունքին. hայտարարություն Նիկո՛լ, չափերդ լրիվ անցել ես. Ֆարմանյան (ՏԵՍԱՆՅՈՒԹ) Հայկական կողմը ադրբեջանցի գեներալ-մայոր ու գնդապետ է ոչնչացրե՞լ ԱԳՆ խոսնակը՝ Ադրբեջանի ԶՈՒ կողմից Բերդ քաղաքի հրետանակոծման վերաբերյալ Գարեգին Բ-ն` Սուրբ Սոֆիայի տաճարը մզկիթի վերածելու մասին ՀՀ ԶՈՒ ստորաբաժանումները ոչնչացնում են Տավուշի սահմանամերձ բնակավայրերը հրետակոծած ադրբեջանական հենակետերը (տեսանյութ) Հակառակորդը կրակում է Բերդ համայնքի ուղղությամբ Հայաստանում հաստատվել է կորոնավիրուսով վարակվելու 339 դեպք «Փաստ». Ադրբեջանի վերնախավում խուճապային տրամադրություն է Չավուշօղլուն հայտարարել է, որ «պատրաստ են զոհել իրենց կյանքը հանուն Ադրբեջանի» Գիշերը ՀՀ ԶՈՒ մարտական դիրքերից դիտարկվել է հակառակորդի տանկի շարժ. ՊՆ
Խմբագրի ընտրություն
website by Sargssyan