AM | RU
USD
EUR
RUB

Դավութօղլուն ուղղորդում է թուրք լոբբիստներին` չդադարեցնելու հակահայկական գործունեությունը

 

Թուրքիայի վարչապետ Ահմեդ Դավութօղլուն, ով այս օրերին ՄԱԿ-ի Գլխավոր ասամբելայի 70-րդ նստաշրջանին մասնակցելու նպատակով Նյու Յորքում է, հանդիպում է ունեցել տեղի թուրքական համայնքի ներկայացուցիչների հետ: Waldorf Astoria հյուրանոց ունեցած ելույթի ժամանակ Դավութօղլուն շնորհակալություն է հայտնել բոլոր այն թուրքերին, ովքեր Հայոց ցեղասպանության 100-րդ տարելիցի օրը` ապրիլի 24-ին «ցեղասպանությունը ժխտող հանրահավաքներ են անցկացրել»: Վերջինս կոչ է արել նաև պայքարել հայկական սփյուռքի և լոբբիստական կառույցների դեմ:

Հատկանշական է` Դավութօղլուն մեկ անգամ չէ, որ ԱՄՆ-ի հայկական սփյուռքն անվանել է Թուրքիայի սփյուռք` նկատի ունենալով այն հանգամանքը, որ ժամանակին ԱՄՆ-ը տեղափոխվածները հիմնականում նախկին Օսմանյան կայսրության քաղաքացիներ են: Սակայն ներթուրքական լսարանի համար հայկակական սփյուռքն, անշուշտ, հիմնական թշնամիներից է:

Այսօր ԱՄՆ-ի հայկական լոբբիստական կառույցները համարվում են ուժեղագույններից, որոնց գործունեությանը հակազդելու համար Թուրքիան բավարար չափով կազմակերպված ու համախմբված մարմիններ չունի ԱՄՆ-ում: Թուրքական սփյուռքը հիմնականում գործում է հրեական լոբբիստական կառույցների աջակցությամբ, իսկ հաճախ վարձվում են նաև ամերիկյան կազմակերպություններ:

Ներկա պահին Թուրքիայի համար այս տեսանկյունից բավականին մեծ դժվարություններ են առաջացել: Մի կողմից Թուրքիայի նախագահի հակահրեական կոչերը, որոնք բացասական են ազդում թուրք-հրեական լոբբիսների հետ համագործակցության վրա, իսկ մյուս կողմից Էրդողանի գործունեության հետևանքով թուրքական կառավարությունը զրկվել է նաև Ֆեթուլլահ Գյուլենի աջակցությունից:

Հաշվի առնենք, որ թուրքական լոբբիստական կազմակերպությունները ևս միմյանց հետ հաճախ հակասություններ են ունենում, որը հանգեցնում է պառակտվածության: Շաղկապված լինելով Թուրքիայի քաղաքական ուժերի հետ` թուրքական սփյուռքի միությունները շատ զգայուն են այդ նույն քաղաքական կազմակերպությունների միջև հակասությունների նկատմամբ, և բուն Թուրքիայում քաղաքական անհամաձայնությունները հայելային կերպով անդրադառնում են թուրքական սփյուռքի միությունների հարաբերությունների վրա: Սա նաև վկայում է թուրքական սփյուռքի` Անկարայից հեռակառավարվելու մասին:

Ըստ առկա տվյալների, ներկայում ԱՄՆ-ում բնակվող մոտ 300 հազար թուրքերից 50-80 հազարն է, որ ԱՄՆ քաղաքացի է կամ ԱՄՆ և Թուրքիայի երկքաղաքացի: Դա որոշակիորեն նվազեցնում է համայնքի դերը, քանի որ ընտրաքվեների առումով փաստացի նրանք լուրջ կշիռ չունեն:

Թուրքական կազմակերպություններն ԱՄՆ-ում վաղուց են գործում` դեռևս հեռավոր 1930-ական թթ-ից: Սակայն առաջին թուրքական կազմակերպությունն ընդունված է համարել «ԱՄՆ թուրքական համայնք»` ATS (American Turkish Society) կազմակերպությունը, որն իր գործունեությունը սկսել է 1949թ. հունիսի 29-ին Նյու Յորքում:

Չնայած ԱՄՆ-ում գործող թուրքական կազմակերպությունների տվյալներն իրարամերժ են, սակայն միջինացված կարող են նշել, որ ԱՄՆ- ում առկա է մոտ 180 թուրքական հասարակական կազմակերպություն առնվազն 27 նահանգում: Առավելագույն թվով թուրքական կառույցներ գործում են Նյու Յորքում` 27, Վաշինգտոնում` 18, Նյու Ջերսիում` 17 և Կալիֆոռնիայում` 15: Փաստացի թուրքական միություններ կան նաև ԱՄՆ հայաշատ նահանգներում:

ԱՄՆ-ում գործող թուրքական կառույցների առանձահատկություններից է, որ նրանք գործում են հիմնականում համադաշնությունների տեսքով: Նման համադաշնություններից առավել կայացած են երկուսը` ATAA (Assembly of Turkish-American Associations) Թուրք- ամերիկյան միությունների համագումար կազմակերպությունը, որն առավել ծավալված և կայացած է: Նրա կենտրոնական գրասենյակը Վաշինգտոնում է և միավորում է 65 հասարակական, մշակութային, գիտակրթական թուրքական կառույց: Իսկ մյուս կազմակերպությունը` FTAA-ն, (Federation of Turkish American Associations) թուրք-ամերիկյան կազմակերպությունների համադաշնություն է, որի կենտրոնակայանը Նյու Յորքում է:

Անշուշտ, այս կազմակերպությունների հիմնական նպատակներից է հայկական լոբբիստական խմբերի գործունեությանը հակազդելը: Չնայած այն հանգամանքին, որ թուրքական համայնքն ու կազմակերպությունները նույնքան հզոր չեն, որքան հայկականները, այնուամենայնիվ, նրանք միջոցների պակաս չունեն այլ կազմակերպությունների միջոցով լոբբիստական գործունեություն ծավալելու համար: Օրինակ` Google որոնման ցանցում տեղադրում են վճարովի լինքեր, Հայաստանի, Հայոց պատմության և Հայոց ցեղասպանության վերաբերյալ և որոնում կատարելիս, որպես առաջին հասցե, ներկայանում էին թուրքական մերժողական կայքերը:

Դավութօղլուի կոչը միտված էր ուղղորդելու թուրք-ամերիկյան լոբբիստական կառույցներ գործունեությունը, որպեսզի նրանք Հայոց ցեղասպանության 100-ամյա տարելիցից հետո գործն ավարտված չհամարեն: Իսկ մեր կառույցներին, թերևս, մնում է կրկնապատկել ջանքերը, էլ ավելի համախմբվել և հարյուրամյակից հետո թևակոխել խնդրի ճանաչելիության մեծացման հարթություն: 

Աննա ԲԱՐՍԵՂՅԱՆ

Լրահոս
Հրայր Թովմասյանի նկատմամբ տեղի է ունենում հատուկ հետապնդում` պայմանավորված իր պաշտոնական դիրքով. Զարուհի Փոստանջյան (տեսանյութ) Փաստաբանը՝ Հրայր Թովմասյանի հորը ԱԱԾ կանչելու և բացատրություն վերցնելու մասին (տեսանյութ) Հրայր Թովմասյանի ավագ դուստրն այս պահին հարցաքննվում է, կրտսերը՝ սպասում Վիրավոր ոստիկանը դուրս է գրվել հիվանդանոցից Սահմանադրական դատարանի դատավորները հայտարարություն տարածեցին Պրոֆեսիոնալ լինելը մեր երկրում գնալով արժեզրկվում է. Ռուբեն Մելիքյան Անհրաժեշտություն է առաջացել բացատրություն վերցնել նաև ՍԴ նախագահ Հրայր Թովմասյանի մոտ ազգականներից. ԱԱԾ «Ժամանակն է ճանաչել Հայոց ցեղասպանությունը». կոչ՝ ԱՄՆ Կոնգրեսում (տեսանյութ) Պետք է լինի պետության ղեկավարի գիտակցում, որ սա նախկինների ու ներկաների պայքար չէ. Արփինե Հովհաննիսյան (Տեսանյութ) Հրայր Թովմասյանի հոր ինքնազգացողությունը ԱԱԾ-ում վատացել է Իրավապաշտպաններն ուղևորվում են ԱԱԾ, որտեղ այսօր հարցաքննվում են Հրայր Թովմասյանի դուստրերը. ՈՒՂԻՂ Արմեն Սարգսյանին հավատարմագրերն է հանձնել Գվատեմալայի Հանրապետության նորանշանակ դեսպանը Հ. Թովմասյանը գերադասեց ծառայել ՀՀ-ի սահմանադրականությանը, ոչ թե Փաշինյանին Սա քաղաքական բեսպրեդել է. ՀՅԴ ներկայացուցիչը՝ Հրայր Թովմասյանի անձի շուրջ տեղի ունեցածի մասին Ավետիք Իշխանյանն այլևս չկարողացավ լռել Էլինար Վարդանյան. Իրավական ռեպրեսիաները Հայաստանում այլևս իրականություն են Զ. Փոստանջյան. Այս ճանապարհով առաջ գնացող իշխանությունը կհայտնվի առավել դժբախտ իրավիճակում, քան նախորդները Թուրքիան վերսկսել է գործողությունը Սիրիայում՝ չնայած ԱՄՆ-ի հետ հրադադարի համաձայնության Հայաստանում ներպետական օրենքներն ու Սահմանադրությունն այն չեն. Լարիսա Ալավերդյան «ՀՀ իրավական մարտահրավերները» խորագրով քննարկումը՝ ուղիղ Արա Զոհրաբյան. Պատրաստ եմ ստանձնել Հրայր Թովմասյանի դուստրերի շահերի պաշտպանությունը Նիկոլ Փաշինյանի գլխավորությամբ տեղի է ունենում Անվտանգության խորհրդի նիստ ՍԴ նախագահ Հ. Թովմասյանի և նրա հարազատների նկատմամբ տեղի ունեցող գործողությունների վերաբերյալ ասուլիսը՝ ուղիղ Ավտովթարի հետևանքով մահացել է ՀՀ ազգային հերոս Թաթուլ Կրպեյանի եղբայրը. ԼՈՒՍԱՆԿԱՐՆԵՐ Իրանի և Թուրքիայի սահմանին փոխհրաձգություն է տեղի ունեցել ԱԺ-ն միայն սեպտեմբերի գործուղումների համար ծախսել է ավելի շատ, քան 2017-ին և 2018-ին Վնասվածք ստացած ոստիկանի վիճակը լավ է, շուտով դուրս կգրվի. «Գրիգոր Լուսավորիչ» ԲԿ մամուլի խոսնակ «Կազանյան փաստաթուղթը» մերժվել է հենց Ադրբեջանի կողմից. Նաղդալյանի թեթևակի հիշեցումը՝ Բաքվին Խորհրդարանական լսումներ ԱԺ-ում. ՈՒՂԻՂ Ասադն առաջին անգամ մեկնաբանել է Սիրիա Թուրքիայի ներխուժումը Կրեմլը մեկնաբանել է Սիրիայի հարցով Թուրքիայի և ԱՄՆ-ի պայմանավորվածությունը Ռուբեն Մելիքյանն իրավապաշտպաններին կոչ է անում Հրայր Թովմասյանի դուստրերի հարցաքննության ժամանակ հավաքվել ԱԱԾ շենքի մոտ (տեսանյութ) Թբիլիսիում կամրջի վերակառուցման ընթացքում հայտնաբերվել են հայերեն և վրացերեն գրություններով շիրմաքարեր «Էրդողանն իմ ընկերն է, և սա հիանալի օր է բոլորիս համար». Թրամփ «Իրատես». «Իմ քայլը» խմբակցությունում կոնվենցիային դեմ պատգամավորներն ավելի շատ են, քան հնարավոր է պատկերացնել «Հրապարակ». Ինչպե՞ս պատահեց, որ իրենց առաջ վեհ նպատակներ դրած երիտասարդները վերածվեցին փոքրիկ բռնակալների... «Փաստ». Ինչ է հայտարարագրել Կատարում ՀՀ դեսպանը «Իրավունք». «Իմ քայլի» որոշ պատգամավորներ լիովին դուրս են մնացել խմբակցության ղեկավար Լիլիթ Մակունցի վերահսկողությունից «Իրատես». Փաշինյանի աներորդին ու ԼՀԿ-ից Աննա Կոստանյանը մեկնում են ԱՄՆ՝ մշակույթ ուսումնասիրելու «Փաստ». Լավ կլիներ ունենալ առավել լուրջ ձեռքբերումներ, մեկ-մեկ էլ՝ սեփական ձեռքբերումներ
Խմբագրի ընտրություն
website by Sargssyan