«Միայն անառողջ մարդը կարող է պատկերացնել, որ ՌԴ-ը հանկարծակի կհարձակվի ՆԱՏՕ-ի վրա»
Նմանատիպ
Ռուսաստանը ոչ մեկի հետ կոնֆլիկտի լեզվով չի խոսում: ՏԱՍՍ-ի փոխանցմամբ, Corriere della Sera պարբերականին տված հարցազրույցում ասել է ՌԴ նախագահ Վլադիմիր Պուտինը՝ հիշեցնելով Բիսմարկի խոսքը, թե նման հարցերում կարևորը ոչ թե խոսքն է, այլ պոտենցիալը:
«ԱՄՆ ռազմական ծախսերն ավելին են, քան աշխարհի երկրների ռազմական ծախսերը միասին վերցված: Ընդհանուր առմամբ, ռազմական ծախսերը ՆԱՏՕ-ի երկրների տասն անգամ մեծ են, քան Ռուսաստանինը»,-ընդգծել է Պուտինը:
Այնուհետ ՌԴ նախագահը շարունակել է, թե երկիրը սահմաններից դուրս գրեթե ռազմական բազա չունի. եղածները խորհրդային բանակի մնացորդներն են:
«ՀՀ տարածքի ռուսական բազայում խորհրդային ժամանակներից մնացած մեր ռազմական ստորաբաժանումն է, որը տարածաշրջանում որոշակի կայունացնող դեր է կատարում և ուղղված չէ ինչ-որ մեկի դեմ»,-լրացրել է Պուտինը:
Ինչ վերաբերվում է որոշ երկրների մտավախությանը, թե Ռուսաստանը հնարավոր է ագրեսիվ գործողությունների դիմել, Պուտինը նշել է, թե «միայն անառողջ մարդը կարող է պատկերացնել, այն էլ երազում, որ ՌԴ-ը հանկարծակի կհարձակվի ՆԱՏՕ-ի վրա»:
Հետևեք մեզ նաև Telegram-ում