Կարևոր է, որ ԼՂ իշխանությունների ձայնը լսելի լինի. Ջեյմս Ուորլիք
Նմանատիպ
ԵԱՀԿ ամերիկացի համանախագահ Ջեյմս Ուորլիքը այսօր ՀՀ–ում ԱՄՆ դեսպանատանը մի խումբ լրագրողների հետ հանդիպման ժամանակ ի պատասխան Tert.am–ի հարցին ասաց, որ կարևոր է, որպեսզի ԼՂՀ իշխանությունների ձայնը լսելի լինի։
Հարցին, թե հնարավոր համարում է, որ մի օր ԼՂՀ-ն մասնակցի բանակցային գործընթացին, ամերիկացի դիվանագետը պատասխանեց. «Մենք գտնում ենք, որ շատ կարևոր է, որպեսզի Լեռնային Ղարաբաղի դե ֆակտո իշխանությունների ձայնը լսվի և շատ հաճախ մեկնում ենք այնտեղ, հանդիպում նրանց, որպեսզի նրանց կարծիքը ևս հաշվի առնվի»:
Tert.am-ի հարցին, թե համարժեք էր ԵԱՀԿ Մինսկի խմբի արձագանքը հուլիսի վերջին և օգոստոսի սկզբին հայ-ադրբեջանական շփման գծում տեղի ունեցած հրադադարի խախտման դեպքերի վերաբերյալ, ԵԱՀԿ Մինսկի խմբի ամերիկացի համանախագահն ասաց, թե տարբեր կողմերից կոչեր եղել են, բայց միաժամանակ պետք է ընդունել, որ նախևառաջ, երկու երկրների ժողովուրդները պետք է վերջ դնեն այդ ամեն ինչին:
«Մեծ դժբախտություն է, որ խաղաղ բնակչությունն է դառնում է պատերազմի զոհ և ամեն ինչ պետք է անել, որպեսզի դրան վերջ տրվի»,- ասաց Ջեյմս Ուորլիքը:
Հետևեք մեզ նաև Telegram-ում