Ստեփանծմինդա-Լարս ավտոճանապարհը` չնայած որոշ սահմանափակումների, արդեն բաց է

Օգոստոսի 31-ի ժամը 10.00-ին ՀՀ ԱԻՆ ՃԿԿ-ից կապ է հաստատվել Վրաստանի ՆԳՆ ԱԻ դեպարտամենտի օպերատիվ հերթապահի հետ, ով հաստատեց, որ Ստեփանծմինդա-Լարս ավտոճանապարհահատվածը բաց է մարդատար տրանսպորտային միջոցների, փակ’ բեռնատար ավտոմեքենաների և կցորդների համար: Նշենք, որ Ճանապարհահատվածը բաց է ժամը 07.00-ից մինչև 19.00: Այս մասին տեղեկանում ենք ԱԻՆ լրատվական ծառայությունից:

***
Օգոստոսի 30-ին ՀՀ ԱԻ նախարար Արմեն Երիցյանի հանձնարարությամբ փ/ծ տնօրեն Ս. Ազարյանը կապ է հաստատել Վրաստանի Հանրապետության ՆԳՆ ԱԻ դեպարտամենտի ղեկավար Զվիդա Քացաշվիլիի հետ, ով հաղորդել է, որ եղանակային լրացուցիչ բարդությունների պատճառով (առատ տեղումներ, գետի հունի բարձրացում) Ստեփանծմինդա-Լարս ավտոճանապարհահատվածի նախատեսված բացումը տեղի է ունենում որոշակի սահմանափակումներով’ այսօր ավտոճանապարհը բաց է մինչև 19.00-ն, իսկ օգոստոսի 31-ից’ առավոտյան ժամը 07.00-ից մինչև 19.00:

Ժամը 16.00-ին ՀՀ ԱԻՆ ՃԿԿ-ից կապ է հաստատվել Վրաստանի ՆԳՆ ԱԻ դեպարտամենտի օպերատիվ հերթապահի հետ, ով հաստատեց, որ ճանապարհահատվածը բաց է միայն մարդատար տրանսպորտային միջոցների, փակ’ բեռնատար ավտոմեքենաների և կցորդների համար:

Կտրվի լրացուցիչ տեղեկատվություն: