Ֆրանսիացի երկրպագուները սկսել են բոյկոտել Ադրբեջանը

Ֆրանսիական Լանս ֆուտբոլային ակումբի երկրապագուները, որի տերը ադրբեջանցի օլիգարխ Հաֆեզ Մամեդովն է, մտադիր են բոյկոտել Ադրբեջանի գովազդը իրենց սիրելի թիմի մարզաշապիկների վրա:

Ինչպես տեղեկացնում են ֆրանսիական լրատվամիջոցները, նրանք բարկացած են այն փաստից, որ տրանսֆերային պատուհանի փակմանը մնացել է ընդամենը հինգ օր, սակայն ադրբեջանցի օլիգարխի կողմից խոստացված չորս միլիոն եվրոն այդպես էլ չի նստել ակումբի հաշվին:

Ակումբի երկրպագուներից մեկը’ Ուիլյամ Կազնովսկին ֆեսյբուքյան իր էջում կոչ է արել բոյկոտել շապիկների վրայի Azerbaijan Land of Fire գրությունը:

Մեղադրելով ակումբի ղեկվարությանը և Հաֆեզ Մամեդովին ստախոսության մեջ, նա կոչ է արել երկրպագուներին ժապավենով փակել գովազդը:

Լանս ակումբի ղեկավար Ժերվե Մարտելը հույս է հայտնում, որ այդ գումարը կնստի ակումբի հաշվին, քանի որ այժմ նա բանակցություններ է տանում ադրբեջանական կառավարության հետ: