Բակո Սահակյանը Ռաուլ Խաջիմբային շնորհավորել է Աբխազիայի նախագահի պաշտոնում ընտրվելու առթիվ
Նմանատիպ
Արցախի Հանրապետության Նախագահ Բակո Սահակյանն օգոստոսի 26-ին շնորհավորական ուղերձ է հղել Ռաուլ Խաջիմբային’ Աբխազիայի Հանրապետության Նախագահ ընտրվելու կապակցությամբ: Ուղերձում ասված է.
«Հարգարժան Ռաուլ Ջումկի,
Արցախի Հանրապետության ժողովրդի, իշխանությունների և անձամբ իմ անունից ի սրտե շնորհավորում եմ Ձեզ նախագահական ընտրություններում հաղթանակ տանելու և Աբխազիայի Հանրապետության Նախագահ ընտրվելու կապակցությամբ:
Ձեզ գիտեն որպես փորձառու քաղաքական գործչի, ով էական ավանդ է ունեցել աբխազական անկախ պետականության կայացման գործում: Վստահ եմ, որ Ձեր ղեկավարությամբ Աբխազիայի Հանրապետությունը դինամիկ կզարգանա ու կզորանա:
Լեռնային Ղարաբաղում կարևորում են Աբխազիայի հետ կապերի ամրապնդումը և հույս հայտնում, որ Ձեր նախագահության տարիներին մեր երկրների միջեւ փոխհարաբերությունները կհասնեն որակական նոր մակարդակի:
Ընդունեք մեկ անգամ ևս իմ ջերմ շնորհավորանքներն այդ բարձր ու պատասխանատու պաշտոնում ընտրվելու կապակցությամբ և հաջողության բարեմաղթանքները Ձեր բոլոր ձեռնարկումներում’ հանուն եղբայրական Աբխազիայի խաղաղության ու բարգավաճման»:
Հետևեք մեզ նաև Telegram-ում